Accessibility links

2 Ansyen Prezidan Pral Dirije Kanpay Pou Ranmase Fon Prive Ozetazini Anfavè Viktim Tsunami yo


Prezidan Bush deklare se 2 ansyen chèf deta ameriken ---papa li George Bush ak ansyen prezidan Bill Clinton---ki pral dirije nouvo kanpay pou ranmase lajan nan mitan popilasyon amerikèn nan anfavè viktim tranblemanntè ak radmare ki frape zòn Azi ak Afrik la. Lendi maten, msye Bush te parèt nan Salon Roosevelt la, nan Lamezon Blanch, ansanm ak 2 ansyen lidè yo.

Li di, “nan jou k’ap vin la yo, Prezidan Clinton ak Bush pral mande Ameriken yo pou yo fè kado lajan dirèkteman nan fon òganizasyon sekou ki deja ap ede viktim Tsunami an. Anpil nan òganizasyon sa yo deja voye ekspè nan zòn sinistre yo e yo byen konprann ki kantite ak ki kalite resous ki nesesè pou satisfè bezwen ki egziste sou teren an.”

Prezidan George W. Bush espere nouvo efò sila a, ki vize alafwa sosyete komèsyal ak sitwayen prive, va ajoute plis toujou sou asistans gouvènman federal ameriken an ap bay.

Klike sou lyen ki anlè atik sa a si ou vle tande tout repòtaj la.

XS
SM
MD
LG