Accessibility links

Breaking News

5 Moun Mouri nan yon Fiziyad nan Kawolin di Nò


Yon anbilans kap transpote sispek fiziyad Kawolin di No a rive nan sal ijans WakeMed la nan vil Raleigh, 13 Oktob 2022.

Yon tinedje 15 zan tire e touye 2 moun nan lari yon katye nan Raleigh, kapital Kawolin di Nò epi apre sa li pran kouri.

Jenom nan te chape poul li sou yon wout nan rak bwa kote moun konn al fe egzesis kote li tire e touye 3 lot moun epi blese 2 lòt.

Mary-Ann Baldwin, se majistra vil Raleigh.

"Gen plizye fanmi nan kominote nou ki leve maten an san yon moun yo renmen. Nap pote dey pou viktim yo jodia."

Chef polis vil Raleigh, Estella Patterson di Vandredi, sispek la kouche lopital kote li nan kondisyon kritik apre fiziyad yo, ki fet Jedi apremidi.

"5 moun mouri, pami yo yon polisye. gen 2 lòt ki blese, pami yo yon polisye ki resevwa swen epi kite lopital. Lòt moun ki blese a nan kondisyon kritik. Sispek la, yon gason blan ki gen 15 an nan kondisyon kritik nan lopital."

Viktim yo se moun dives ras e yo te gen ant 16 zan ak 50 an. Pami moun ki mouri yo gen yon polisye Raleigh, Gabriel Torres ki patap travay le fiziyad la te kòmanse a.

Sispek la te evite lapolis pandan plizye e'd tan, anvan yo te resi bare li andedan yon kay epi mete'l anba kòd.

Sitwayen Bruce Mashburn abite nan zòn kote fiziyad la fet la.

" Mwen sezi net. Mwen paka kwe sa rive nan katye mwen. Se yon bagay fou. Mwen sezi."

Otorite yo poko determine kisa ki te motive jenòm lan touye moun sa yo.

XS
SM
MD
LG