Accessibility links

Breaking News

Yon Veteran nan Eta Delaware Resevwa Pi Gwo Onè ke Lafrans Kapab Bay


Virus Outbreak Veterans Home

FRANKFORD, Del. - Ernest Marvel genyen yon valiz chaje ak meday lakay li ki sitiye nan vil Frankford, nan Eta Delaware. Nan mwa jiyè pase a, li resevwa meday ki pi resan an, ki se Lejyon Donè Lafrans la – anviwon 80 lane apre li te patisipe nan konba pou libere peyi sa a anba men Lalmay Nazi nan 2èm Gè Mondyal la.

Marvel, ki genyen 98 lane kounyela a, pa janm vwayaje lwen rejyon kote l ap viv la, Bethany Beach, eksepte pou l t al patisipe nan lagè a. Li renmen di:

“Se kabann mwen ye. M renmen rete lakay mwen. ”

Se avèk anpil plezi li pale de fanmi li. Kote li jwenn lajwa ak fyète, se nan mitan jaden li. Li renmen danse epi chante karaoke nan wikenn nan klub lokal la, VFW and Eagles Club.

Sepandan, Marvel gade kèk move souvni de yon epòk; se epòk kote kèk gason kanson, kèk ewo te genyen pou livre konba pandan yo t ap travèse kontinan ewopeyen an pou yo te libere plizyè milye moun ke zòt te fèmen nan kan konsantrasyon anba kontwòl Hitler.

Ernest Marvel sete youn nan ewo sa yo. An 1945, li te retwouve li nan vilaj Lafrans ak Lalmay yo, li te travèse Flev Ren an e l te rive devan Baryè Dachau a.

Se pou travay li kòm liberatè Lafrans ke li te resvwa Lejyon Donè a sa gen anviwon yon mwa.

XS
SM
MD
LG