Accessibility links

Breaking News

Yon Senatè Ameriken Bay Prezidan Kenya a Konsèy Pou L Ede Garanti yon Tranzisyon Pasifik


Kenya's election results are announced

Nairobi, Kenya - Yon senatè ameriken k ap vizite Kenya bay prezidan sòtan peyi sa a konsèy pou l patisipe nan yon “tranzisyon pasifik pouvwa a” nan moman peyi demokratik ki pi stab nan Afrik-de-Lès la ap travèse dènye kriz elektoral an dat li. Senatè Chris Coons (Delaware), ki t ap pale avèk Associated Press apre yon rankont avèk Prezidan Uhuru Kenyatta jedi, deklare:

“M ap kite prezidan pale pou tèt li; men, san di pètèt, se yon espwa m eksprime pandan rankont la. Nou fè diskisyon sou mwayen Prezidan Kenyatta kapab jwe yon wòl konstriktif nan retablisman lapè aprè li va fin kite pouvwa a.”

Kenyatta gade silans li, li pa pale an piblik depi eleksyon 9 daout pase a, sa ki vin ranfòse kèsote nan peyi a nan moman Kenya ap fè fas ak yon mank asirans sou sa demen pral pote apre eleksyon an e devan posiblite pou kandida pèdan an, Raila Odinga, rejte rezilta vòt la. Senatè Coons, ki nan tèt yon delegasyon palmantè k ap fè yon toune nan 5 peyi afriken, ale o Kenya avèk, antwòt, objektif pou l rankontre prensipal pati yo epi ba yo konsèy pou yo pèmèt trankilite kontinye nan peyi a.

Kenyatta di Coons ke Kenya pral konsève “pozisyon li kòm yon egzanp briyan pou demokrasi sou kontinan an; pou sa li pral mentni lapè pandan peryòd tranzisyon sa a,” dapre yon deklarasyon biwo prezidan an pibliye.

XS
SM
MD
LG