"LaChin chwazi pou-l pa kontwole kolè li e sèvi ak vizit Pelosi a kòm yon pretèks pou l ogmante aktivite militè pou fè pwovokasyon nan Detwa Taiwann nan e nan alantoua," se pawòl John Kirby, kòdonatè pou kominikasyon estratejik nan Konsèy pou Sekirite Nasyonal la jedi.
Kirby di jounalis yo Sekretè Defans Etazini Lloyd Austin òdone pòt-avyon USS Ronald Reagan ak bato yo nan
gwoup li a pou yo rete toupre pou yo "swiv sityasyon an", nan tout Detwa Taiwann nan nan semèn k ap vini yo.
Mèkredi, nouvèl yo te fè konnen lame Taiwann nan te tire kèk flanm limyè pou voye avètisman bay yon drone Lame Liberasyon Popilè Chinwa a. Apre sa drone nan te kite zòn nan e tounen nan baz li nan gran Chin nan, dapre laprès nan Taiwann.