Accessibility links

Breaking News

Pwosè kont Nèg ki te Fè Fiziyad nan Lekòl nan Eta Florid, Pare pou Kòmanse


Nikolas Cruz, jen jan ki komet fiziyad lise Marjory Stoneman Douglas la nan Fort Lauderdale, Florid, 18 Jiye, 2022.

Fort Lauderdale, Florida - Pwosè kont yon nèg ame ki te komèt yon fiziyad nan yon lekòl nan Florid, Nikolas Cruz, kòmanse lendi avèk yon jiri k ap tande deklarasyon preliminè yo epi premye evidans yo sou masak ki te fèt nan lane 2018 e ki te koze lanmò 14 etidyan ak 3 manm pèsonèl la nan Lise Marjory Stoneman Douglas, nan vil Parkland, Florid.

Yon panèl ki gen ladan l7 gason ak 5 fanm (ki gen sipò 10 ranplasan) pral tande agiman prensipal avoka akizasyon an, Mèt Mike Satz, ki pral genyen pou l brake limyè a sou britalite Cruz ki te pran daso sal de klas ki te nan yon building 3 etaj, kote l te tire yon fizi semi-otomatik AR-15 nan yon koulwa e nan kèk sal de klas. Kelke fwa Cruz te retounen pou l tcheke kèk viktim ki te blese epi tire yo yon 2èm fwa ak yon lòt round koutzam.

Cruz, ki gen 23 zan, te plede koupab nan mwa doktòb 2021 an, pou 17 chèf dakizasyon pou asasina premye degre; sèl bagay li konteste, se santans ki ta kondane l a-mò e ke avoka akizasyon an ap chache.

2 santans jire yo kapab ba li se kondanasyon a-mò oubyen prizon a-vi san posiblite pou l ta jwenn liberasyon sou kosyon pou fiziyab yo ki te rive nan dat 14 fevriye 2018 la. Pwosè kont ansyen etidyan Lize Stoneman Douglas la, ki ta dwe dire 4 mwa anviwon, te sipoze kòmanse an 2020; men responsab yo te gen pou ranvwaye li akoz pandemi KOVID-19 la avèk kèk mezantant legal.

XS
SM
MD
LG