Nan yon konferans pou laprès lendi nan Mezon Blanch pou devwale imaj NASA a, Prezidan Etazini Joe Biden di teleskop la se "yon nouvo fenèt nan istwa inivè nou an."
Teleskop James Webb la ki koute $10 milya, se teleskop ki pi gwo e pi pwisan ki janm ale nan lespas.
Li tèlman gen presizyon, dapre administratè NASA Bill Nelson, li ka wè konpozisyon chimik planèt yo byen fon nan lespas e detèmine si yo abitab ou non.
NASA te lanse teleskop la 25 Desanm etan nan Guiyàn fransèz nan Amerik di Sid, e li te vwayaje 1 milyon 600,000 kilomèt distans ak tè a anvan li te ka pran imaj.