S&P 500 te pran yon wòs 1 dizyèm nan 1 pousan nan tranzaksyon ki fèt bonè madi apre kèk gwo konpayi te pran fòs ak plis pwofi e te peye envestisè-yo. Sepandan sete yon avans klopen-klopan, kote mache a te varye ant pèt 1 dizyèm nan 1 pousan ak benefis 8 dizyèm nan 1 pousan nan premye demi èd-tan-an.
Sa ki pozitif, enflasyon nan machandiz an gwo te redui yon ti kras plis pase sa analis te espere nan mwa Me pase-a, malgre li rete wo.
Lagè Ikrèn nan fè pri petwòl ak manje moute an flèch e fè konsomatè pa anvi depanse lajan, sitou ann Ewòp.
Sepandan Enfeksyon Covid an Chin mete kèk gwo restriksyon nan biznis e menase pou mete baton nan wou 2èm pi gran ekonomi mondyal la e lakoz plis pwoblèm nan chèn distribisyon pwodui yo.