Taiwan, ke LaChin reklame kòm teritwa pa li, plenyen pandan apeprè 2 lane ki pase yo pou misyon repete ke avyasyon LaChin fè toupre zile a ki gen yon gouvènman demokratik. Anpil fwa, djèt yo vole nan pati sidwès sa Taiwan rele "zòn idantifikasyon defans aeryen" ki gen abreje ann Angle ADIZ, toupre zile Prat yo ke gouvènman Taipei a kontwole.
Taiwan kalifye aktivite militè repete LaChin ap mennen toupre a kòm operasyon lagè nan sa zile a rele yon "zòn gri," kòm yon mwayen pou epwize fòs Taiwan yo nan fè yo bwouye espas ayeryen an tout tan, e an menm tan pou teste repons Taiwan.