Accessibility links

Breaking News

Yon bato Chaje Chavire Toupre Porto Rico


PUERTO RICO

Yon bato chaje ak moun ke otorite yo sispèk kòm migran chavire o nò yon zile ki pa gen abitan toupre Porto Rico e otorite yo konfime ke 11 moun pèdi lavi pandan sekouris sove 20 gason ak 11 fanm, ayè jedi a.

Li pa te klè touswit konbe moun ki te abò bato a lè li te chavire a, dapre pòtpawòl Gad Kot Etazini Ricardo Castrodad. Li fè konnen gen yon efò sovtaj masif k ap dewoule toujou.

Sekouris yo mennen pou pi piti 8 Ayisyen lopital, malgre yo pa te konnen imedyatman nasyonalite tout moun ki te abò bato a. Se dènye ensidan ki rive nan yon seri nofraj nan tout rejyon an kote migran ki soti Ayiti ak nan Dominikani ap kouri pou vyolans ak mizè nan peyi pa yo.

Se yon elikòptè Ladwàn ak Pwoteksyon Lizyè Etazini ki te wè bato a tèt anba jedi maten, plis pase18 kilomèt o nò zile Desecho.

XS
SM
MD
LG