Accessibility links

Breaking News

Pòto Rico: Plis Pase Yon Milyon Konsomatè Pa Gen Elektrisite


A car's headlights are seen past people walking on a dark street in San Juan, Puerto Rico, after a major power outage hit the island, April 6, 2022.
A car's headlights are seen past people walking on a dark street in San Juan, Puerto Rico, after a major power outage hit the island, April 6, 2022.

Plis pase yon milyon konsomatè nan Pòto Rico te rete san elektrisite ayè jedi a, apre yon dife ki te pran nan yon izin elektrik enpòtan ki lakoz pi gwo blakawout ki fèt deja ane sa a sou tout zile a ki se yon teritwa ameriken.

Blakawout la kite tou 170,000 konsomatè san dlo, fòse otorite yo fèmen kèk nan prensipal wout yo e voye trafik la lòt kote sou zile a ki gen 3 milyon 200,000 moun, kote bri jeneratè ak sant dizèl gaye nan lè a.

Moun ki paka achte jeneratè e ki gen kondisyon medikal tankou dyabèt, ki depann de ensilin ki dwe konsève nan refrijeratè, yo gen kè-sote e y ap mande konbe tan yo ka fè ankò san kouran. Pwopriyetè biznis ki fèmen pòt yo ap mande ki lè y ap ka relouvri.

Konpayi elektrik la ap goumen depi kèk dizèn lane ak kòripsyon, move jesyon ak yon mank antretyen. Li retabli kouran ayè jedi a, pou apeprè 500,000 konsomatè sou 1 milyon 500,000.

XS
SM
MD
LG