Accessibility links

Breaking News

Madagascar Siklòn Touye 20 Moun


Aftermath of Cyclone Batsirai

Otorite nan peyi Madagascar fè konnen ke nan wikenn pase a Siklòn Batsirai travèse nasyon sa a ki nan Oseyan Endyen, kote li touye 20 moun, deplase 50,000 lòt e detwi plantasyon ki te prèske pare pou rekòt.

Ak yon popilasyon preske 30 milyon moun, Madagascar te fèk soti nan Tanpèt Twopikal Ana, ki te touye 55 moun e deplase 130,000 lòt, sa gen yon ti kras plis pase 2 semèn.

Otorite yo fè konnen Batsirai frape yon lòt pati nan zile a ki plis nan zòn sid la kote popilasyon an deja ap soufri ak yon mank manje akoz yon sechrès malouk.

Otorite nan gouvènman an fè konnen sekouris t ap goumen lendi pou yo rive nan zòn ki pran pi move frap yoakoz 12 wout ak 14 pon ki enpratikab, pandan larivyè ki desann te menase moun ki kite kay yo.

Nan bouk Mananjary ke Prezidan Andry Rajoelina t al vizite, otorite nan gouvènman an fè konnen apeprè 3,000 bitasyon ak bilding gouvènman detwi, e yon afè 5,700 lòt kouvri anba dlo inondasyon.

XS
SM
MD
LG