Accessibility links

Breaking News

Trump di: "Chif 100 Mil Moun Kowonaviris Touye Ozetazini Reprezante "Yon Fè Remakab, men Tris"


Sèkèy Moun ki mouri anba kowonaviris

Prezidan ameriken an, Donald Trump, ki t ap pale nan jounen jedi 28 me a, deklare li konsidere kantite moun ki mouri anba kowonaviris Ozetazini -swa omwens 100 mil viktim (oubyen pi gwo kantite lanmò a nan lemmond- kòm sa li rele “yon reyalite remakab, men trè tris”. Anvan sa nan ane a Misye Trump te pale souvan pou l diminye gravite menas kowonaviris la te reprezante pou Lezetazini; dapre sa l te di, kantite ka enfeksyon responsab lasante ameriken yo ta pral anrejistre t ap gen pou bese tousuit pou l redui a zewo.

Prezidan Trump ki t ap reponn yon kesyon nan yon pwendepres li bay chak jou nan La Mezon Blanch sou pandemi kowonavirls la pandan Vis Preziian Mike Pence (agoch) te kanpe tou pre li. (Washington D.C., vandredi 29 me 2020).
Prezidan Trump ki t ap reponn yon kesyon nan yon pwendepres li bay chak jou nan La Mezon Blanch sou pandemi kowonavirls la pandan Vis Preziian Mike Pence (agoch) te kanpe tou pre li. (Washington D.C., vandredi 29 me 2020).

Sepandan kounyela a li rekonèt ke kantite total moun ki mouri yo -yon chif ki, jan n di sa deja, depase 100 mil viktim -swa plis pase kantite total solda ameriken ki te mouri nan Lagè Vyetnam nan ak Lagè Kore a mete ansanm)- se yon kantite efrayik. Se sa lidè ameriken an deklare nan yon not li pibliye sou kont Twitter li. Misye Trump ajoute:

“Mwen ta renmen prezante kondoleyans kòdyal mwen ak tout lanmou mwen bay tout fanmi ak tout zanmi sila yo ki sikonbe, poutèt tout bagay moun plen gandè sa yo senbolize e reprezante. Se pou Bondye akonpaye nou.”

Ozetazini responsab lasante yo te kòmanse konstate kèk amelyorasyon nan kantite moun ki mouri chak jou anba kowonavris; sepandan pwogrè sa a fè yon gwo ralanti nan dat mekredi 27 me a kote yo anrejistre mil 400 mò pou sèl jounen an. Chif la pou lemond antye depase 356 mil mò, dapre estimasyon Inivèsite Johns Hopkins ki baze nan vil Baltimore, tou prè Washington, DC. Kantite ka enfeksyon konfime yo sou tout planèt la se anviwon 5 milyon 700 mil; sou kantite sa a 30% se ka yo anrejistre Ozetazini.

XS
SM
MD
LG