Lamezon blanch fè konnen prezidan Donald Trump vle evite yon nouvo fèmti gouvènman federal la, men li kanpe kinn ala ganach pou l bati yon miray sou fwontyè Etazini pataje ak Meksik la, yon bagay opozisyon demokrat la kontinue ap pase anba pye. Pòtpawòl administrasyon Trump la , Sarah Hickabee Sanders, di laprès isit Washington :
" Prezidan -an pa vle antre nan lojik fèmtu gouvènmantal-la ankò, se objektif li sa, e li egzòte kan demokrat-la pou li pran solusyon pwoblèm fwontyè sa-a oserye, pami yp finansman baryè administrasyon-an vle konstwi pou anpeche migran ilegal vide sou teritwa ameriken-an,"
Ajans federal yo relouvri kounye a apre fèmti gouvènmantal ki pi long moun janm anrejistre Ozetazini.