Accessibility links

Breaking News

Ayiti: Nouvèl an Brèf


Yon gwoup 84 migran yo jwenn nan zòn zil Turks ak Caicos 28 oktòb 2018 pase a .

Gad Kòt ameriken retounen nan vil Kapayisyen samdi 11 novanm 2018 pase a plis pase 80 imigran ayisyen ki ta pral chache yon lavi miyò nan lòt peyi nan rejyon an. Pami rapatriye yo genyen 17 minè. Gad Kòt ameriken te entèsepte group imigran sa yo tou prè Kiba.

Komisè gouvènman Pòtoprens la, Mèt Ocname Clame Dameus, mande enstitisyon bankè peyi a pou bloke kont an bank plis pase 30 antrepriz ki te siyen kontra ak leta ayisyen nan kad ankèt sou jesyon fon Petro Karibe a. Pami antrepriz sa yo genyen 3 ki baze nan Repiblik Dominikèn.

Desizyon sa a pran nan moman manm sosyete sivil la ap mete presyon sou pouvwa santral la pou l mennen ankèt sou fason gouvènman pase yo te depanse 3 milya 800 milyon dola pwogram Fon Petro Karibe a.

Yon delegasyon 3 senatè ayisyen ( Patrice Dumond, Wilfrid Gelin ak Dennis Cadeau) trouve yo O Chili depi dimanch 11 Novanm 2018 la kote y ap rankontre reprezantan gouvènman Sebastian Pinera a pou diskite sou plan imanitè retou volontè imigran ayisyen yo.

Vwayaj sa a fèt apre gouvènman chilyen an te retounen semèn pase a yon premye group ayisyen ki te enskri nan pwogram Plan Retou Volontè pou imigran ayisyen .

Delegasyon an ta dwe retounen an"Ayiti jedi 15 novanm nan dapre deklarasyon senatè Patrice Dumond fè nan yon estasyon radyo nan kapital la depi Chili. Yon group ayisyen an te manifeste lendi 12 novanm nan devan anbasad dAyiti O Chili pou pwoteste kont lantè otorite yo pou fè yo jwenn dokiman k ap ede regilarize estati yo nan nasyon AmerikdiSid la.

XS
SM
MD
LG