Accessibility links

Breaking News

Siklòn Florans Tounen yon Tanpèt; Men li Gen Potansyèl pou Li Fè Dega Toujou


Imaj sa a prezante yon sèn nan Kawolin di Nò ki montre ke moun ki te rete lakay yo riske danje pou yo sove lavi yo.

Sa ki rete nan Siklòn Florans -yon tanpèt twopikal- ap lave rejyon ki sou kòt-ès Lèzetazini avèk anpil lapli-lavalas nan moman l ap pran direksyon Nouvèl Angletè aprè li fin koze lanmò ak dega nan 2 Kawolin yo

Otorite yo lanse avètisman ki mande siveyans ak prekosyon nan eta ki sòti depi nan Vijini pou rive nan Vermont ak New Hampshire, avètisman k ap rete valab pou jous madi 19 septanm nan. Lendi apremidi anpil tònad kraze kay nan rejyon Richmond, nan Eta Vijini, e otorite yo lanse avètisnam anti-tònad pou Eta Maryland, Pennsilvani avèk Delaware.

Kounyela a Florans reprezante sa espesyalis meteo yo rele "yon siklòn post-twopikal" avèk van k ap soufle a 35 kilomèt a lè. Sepandan, pa le fèt ke move tan an te deplase dousman-dousman nan moman li t ap pwoche kòt Kawolin yo semèn pase a, sa pèmèt li ranmase yon gwo kantite imidite; egal sa lakoz anpil lapli vin gonfle nan sistèm nan.

Otorite yo kontinye gen kè-sote devan posiblite pou genyen plis inondasyon, plis baraj-dlo ki kraze ak plis glismandteren, espesyalman nan moman Florans ap pran direksyon zòn ki gen montay yo. Move-tan an koze lanmò omwens 20 moun.

La Mezon Blanch fè konnen Prezidan Donald Trump kapab al vizite rejyon afekte yo nan jou k ap vin la yo; men li pa p fè deplasman an toutotan li pa resevwa yon rapò ofisyèl ki di prezans li nan zòn sinistre yo pa p deranje efò sekou ak rekonstriksyon yo.

XS
SM
MD
LG