Accessibility links

Breaking News

Ayiti-Jistis: Prezidans la Demanti yon Swadizan Atanta ki ta Fèt Sou Premye Pititgason lidè peyi a, Jovenel Moise


Prezidan Peyi Dayiti Jovenel Moise. REUTERS / Ludovic Martin

Ayiti : Palè Nasyonal demanti nouvèl ki te parèt sou rezo sosyo yo pou fè konprann bandi ame ta ouvè kout zam madi 23 oktòb sou yon machin ki t ap transpòte premye pitit gason Prezidan Jovenel Moise la. Pòtpawòl PNH (Polis Basyonal d Ayiti), Michel-Ange Louis-Jeune di Lavwadlamerik vrèman vre te genyen yon boukantay kout zam nan yon katye Pòtoprens; sepandan sa pa t gen okennn rapò ak yon manm fanmi prezidansyèl la, pa egzanp pitit-gason lidè ayisyen an,

000000000000000000000000000000000000000
Lajistis nan Sen Mak libere pwovizwaman 8 moun ki te patisipe nan manifestasyon sou dosye Petro-Karibe a nan dat 17 oktòb pase a. 6 pami sa yo peye yon amand 1000 goud e 2 lòt yo peye 500 goud. 8 sitwayen sa yo gen pou yo retounen nan tribinal 28 oktòb k ap vini la a pou yo reponn akizasyon k ap peze sou do yo.

000000000000000000000000000000000000000
Ministè lajistis konfime nominasyon 30 jij. Pami jij sa yo genyen otorite yo rekondwi; gen lòt ki jwenn pwomosyon. Nominasyon sa yo fèt nan moman avoka Bawo Pòtoprens la ap obsève yon arè travay pou yo pwoteste kont vyolans kèk konfrè yo sibi anba men polisye.

XS
SM
MD
LG