Denye nouvèl ki sòti Ayiti nan kòmansman sware 17 oktòb 2018 la fè konnen yon popilas te bare yon kòtèj gouvènmanal ann arivan li nan vil Sen Mak pandan li t ap sòti nan vil Machan Desalin pou l retounen Pòtoprens. Otorite wo-plase nan gouvènman ayisyen an te ale nan vil ki pote non Lanprè Jan-Jak Drsalin nan pou yo asiste yon seremoni nan kad komemorasyon 212èm anivèsè lanmò pè fondatè la Patri.
N ap ensiste sou lefèt ke Prezidan Jovenel Moise pa t nan kotèj la, paske lidè ayisyen an te fè deplasman an nan elipotè ni lè li t ap kite Pòtoprens la, ni lè li t ap retounen nan kapital la.
Klike sou lyen ki anlè liyn sa a pou w tande repòtaj korespondan nou nan Sen Mak, Junior Racine ki fè konnen li te 6 zè di swa (lè Pòtoprens, Sen Mak ak Washington) li potko klè si lapolis te rive rezoud sitiyasyon an.