Accessibility links

Breaking News

Otorite Nan Latiki Fè Pwogrè nan Ankèt sou lanmò Jounalis Khasoggi


Sekretè Deta Etazuzini Pompeo Rankontre ak Prens Mohammed Bin Salman nan Ryad, Arabi Sawoudit. Pool/ Leah Millis

Fouy pou detèmine ki sak pase jounalis sawoudyen Jamal Khasoggi fè pwogrè nan anpil aspè jodi madi a, kote envestigatè turk ap pare pou mete fen nan inspeksyon yap fè andedan konsila Arabi Sawouditt-la nan vil Istanboul, an Tiki, e nan moamn sekretè deta Etazini Mike Pompeo debake sou teritwa sawoudyen pou yon rankont fass-a-fass ak sa majeste , Wa Salman sou kesyon an..

Chèn televizyon ameriken CNN ak jounal New York Times fè konnen Arabi Sawoudit pare pou l admèt mesye Khasoggi pèdi lavi l apre li te finn antre andedan enstalasyon konsilë wayòm Wahabut la nan dat 2 oktòb pase. Nouvèl yo, ki site kèk sous anonim, rapòte gouvènman Ryad la lage lanmò jounalis Washington Post sou do yon yon entèwogatwa ki pase mal.

Anva sa, responsab sawoudyen yo te nye kategorikman akizasyon otorite nan Latirki ki ta vle fè konprann se touye yo touye mesye Khasoggi andedan an alòske Ryad te di limenm jounalis la te pati kite konsila a pou kont li. Pandanstan, okenn nan 2 kan yo pa paròt an piblik ak prèv pou apiye deklarasyon yo bay sou trajedi a.

XS
SM
MD
LG