Accessibility links

Breaking News

Premye Minis nonmen an Jean Henry Ceant Gen Pou l fè Deklarasyon Politik Jeneral Li Nan Palman an


Manm Palman Ayisyen an Reyuni.Reuters Andres Martinez

Premye Minis nonmen ayisyen an Jean Henry Ceant ansanm ak manm kabinè ministeryèl la ap prezante devan asanble senatè yo vandredi 14 Septanm nan pou l vinn prezante enonse politik jeneral li. Yon ti moman anvan mesye Ceant pran lapawòl devan lejislatè yo, komisyon dankèt senatoryal la ap prezante rapò l bay asanble a. Mèt Ceant ap fè enonse politik jeneral li a nan moman komisè gouvènman Pòtoprens la menase pou l pouswiv tout minis ki ta fè fo deklarasyon definitiv denpo nan Biwo Kontribisyon. Komisè a konsidere fo deklarasyon yo kòm frod fiskal.

Nouvo reprezantan sekretè Jeneral Nasyonzini e chèf MINIJUSTH amerikèn Helen Meagher La Lime rankontre prezidan Jovenel Moise 24trè apre li finn debake nan peyi Dayiti. Madam La Lime ranplase amerikèn Susan D Page ki retounen nan katye jeneral òganizasyon mondyal la nan New York.

Jounal anliy LoopAyiti pibliye yon nouvèl pou fè konnen otorite Bolivyen yo ap mete an plas tout yon seri dispozisyon pou bloke trafik ilegal ayisyen kap fèt sou teritwa yo a. Dapre otorite yo, trafikan yo itilize teritwa Bolivi a kòm pwen tranzit pou ayisyen ki soti Chili pou ale Brezil e vise vèsa. Loop Ayiti site jounal lokal El Deber ki site otorite Bolivyen yo ki ta mande gouvènman chilyen ak Brezilyen yon rapò sou stati imigran sa yo. Otorite yo arete 5 bolivyen ak 2 ayisyen yo akize pou trafik kretyen.

Tanpèt tropikal Isaac pa reprezante yon menas ankò pou Ayiti dapre yon kominite Ministè Enteryè ak Kolektivite Teritoryal yo pibliye.

XS
SM
MD
LG