Accessibility links

Breaking News

La Polis Nan Peyi Dayiti Gaye Dimanch 9 Septanm yon Manifestasyon nan Potoprens ak Gaz Lakrimojèn


La Polis Nan Peyi Dayiti.Reuters/ Andres Martiez

Lapolis ann Ayiti te itilize gaz lakrimojèn pou kwape manifestan nan Lari Pòtoprens dimanch 9 Septanm nan, manifestan ki tap pwoteste kont gaspiyaj yo di gouvènman pase yo te fè ak lajan Petro-Karayib a. Manifestasyon te dewoule tou nan plizyè vil pwovens

Depite ak Senatè ayisyen ap reyini ann Asanble Nasyonal lendi 10 Septanm nan pou klotire ane lejislatif la . Chanm Depite ayisyen an prale an vakans apre seyans asanble nasyonal la. Vakans sa a rive nan moman palman an poko envite Premye Minis nonmen an Jean Henry Ceant poko resevwa envitasyon pou l vinn prezante politik jeneral li ansanm ak manm kabinè Ministeryèl la.

Premye Minis nonmen an deziye Joseph Joute pou ranplase minis anviwonman nouvo gouvènman an Osner Richard poutèt li ta genyen yon paspò etranje. Dapre nouvèl ki pibliye nan medya yo ann Ayiti msye Osner Richard te siyen yon dokiman ki sètifye li pa janm renonse ak nasyonalite ayisyèn ni. Mèt Osner Richard gen pou l prezante devan komisè Pòtoprens la mèt Ocnam Clame Dameus mèkredi 12 Septanm pou l reponn kesyon sou swadizan nasyonalite etranjè li a.


Gouvènman chilyen an kontinye ap travay sou yon plan pou l ede ayisyen k ap viv nan peyi a retounen ann Ayiti volontèman.. Dapre vis-minis enteryè Chilyen an, Rodrigo Ubilla, youn nan posibilite dirijan yo te diskite se itilizasyon yon avyon transpò prezidansyèl la ki kapab transpòte 188 pasaje. Mesye Ubilla presize apati mwa Oktòb pwochen an, yo pral louvri yon rejis enkripsyon espesyal pou tout ayisyen ki vle retounen nan peyi dorijin akondisyon pou yo pa retounen OChili pandan 10 zan.

XS
SM
MD
LG