Accessibility links

Breaking News

American Airlines Anonse Sispansyon Kèk Vol Dirèk sou Ayiti Apati Mwa Novanm 2018 la


Yon Avyon Liy Ayeryen American Airlines. (Foto: AP/Charles Knuppa).

Konpayi ayeryèn American Airlines anonse apati de 3 Novanm 2018 li pral kanpe vòl dirèk ki konn sòti New York ak Fort Lauderdale, nan eta Florid, pou ale Pòtoprens, Ayiti. Sepandan, desizyon sa a pa afekte 3 vòl dirèk konpayi an genyen chak jou ant Miami ak Pòtoprens epi ant Miami ak Kapayisyen.

Nan yon nòt pou laprès American Airlines pibliye nan jounen madi 21 out 2018 la, li fè konnen youn nan rezon ki pouse l pran desizyon sa a, se ogmantasyon pri pwodui petwolye yo sou mache a. Konpayi avyon an ap toujou fè vol dirèk sou Ayiti depi plis pase 45 kan.

0000000000000000000000000000000000000000000

Yon lòt kote, Gouvènman Bahamas la anonse li pral kraze kèk bidonvil kote moun yo ap viv nan move kondisyon; pi fò nan moun sa yo se imigran ayisyen. Premye Minis Bahamas la, Hubert Minnis, di otorite yo deja mete Lig Pastè Ayisyen yo okouran objektif gouvènman an, ki se amelyorasyon kondisyon lavi tout Bahameyen.

Dapre Oganizasyon Entènasyonal Migrasyon an, plis pase 80 mil ayisyen ap viv nan achipèl Bahamas la e kèk pami yo se imigran ilegal.

XS
SM
MD
LG