Accessibility links

Breaking News

Papa ak Manman Premyè Dam Etazini an, Melania Trump, Tounen Sitwayen Ameriken


Viktor ak Amalija Knavs, papa ak manman Melania Trump, Premyè Dam Lèzetazini an, ki t ap koute pandan avoka yo a, Michael Wildes, t ap pale de kliyan li yo nan New York, jedi 9 novanm 2018 la. Mèt Wildes te pale apre yon seremoni kote Misye ak Madam Knavs prete sèman kòm sitwayen ameriken. (Foto: AP/Seth Wenig).

Papa ak mandan Premyè dam Lèzetazini an, Melania Trump, prete sèman pou yo tounen sitwayen ameriken. Non paran madanm Prezidan Trump la se Viktor ak Amalija Knavz. Seremoni natiralizasyon an dewoule jedi 9 out 2018 la nan vil New York.

Avoka Misye ak Madam Knavz, Michael Wildes, deklare mesye-dam yo te deja gen rezidans legal Ozetazini e yo te swiv kòmsadwda pwosesis ki pèmèt yon etranje vin sitwayen ameriken san pèsonn pa t fè yo yon favè espesyal. Mèt Wildes deklare:

Avoka Michael Wildes ki t ap bay yon entèvyou...
Avoka Michael Wildes ki t ap bay yon entèvyou...

"Yo te fè yon bon jan eksperyans; m te ka di sete yon eksperyans ekselan e menmk mèveye ... menm jan ak pi fo etranje, menm jan ak dè milyon moun ki te gen pou swiv wout sa a pou yo gen sitwayènte a. Pa egzanp yo te gen pou yo rete tann longè peryòd tan ki nesesè a: te gen aplikasyon, te gen fòmalite, te gen entèvyou; brèf, sitiyasyon yo a pa t diferan de sitiyasyon tout lòt imigran eksepte ke, lè moman an te rive, nou te gen pou n fè aranjman ki te nesesè pou seremoni ki dewoule jodi a."

Misye ak Madan Knavz se moun peyi Sloveni.

XS
SM
MD
LG