Accessibility links

Breaking News

Prezidan Donald Trump Lanse Menas pou Fèmen Gouvènman Federal la, Sizoka Demokrat nan Kongrè a pa Vle peye pou Miray La Reklame a.


Prezidan Trump Nan Moman li tap Pwononse yon Diskou sou Ekonomi Amerikèn nan dat 27 Jiyè , 2018 AP/ Iacquelyn Martin.

Prezidan Donald Trump menase dimanch 29 Jiyè 2018 la pou l bloke gouvènman federal Ertazuni an si kongrè a pa dakò pou finanse konstriksyon miray sou fwontyè peyi li a pataje ak Meksik la, yon fason pou kontrekare imigrasyon ilegal sou teritwa ameriken an. Lidè ameriken an di demokrat ki nan opozisyon an dwe vote anfavè mezi sekirite pou fwontyè Etazini a, e vòt la dwe mache ak lajan pou konstwi mi an plis lòt mezi strikt ankò.

Sepandan , yon bon pòsyon nan kan republiken an pote kole ak demokrat pou rejte yon pwojè-lwa sou imigrasyon prezidan Donald Trump apiye pandan 2 fwa nan semèn ki sot pase yo. Mesye Trump voye yon mesaj sou kont Twitter li pou di" Finalman Etazini dwe adopte yon sistèm imigrasyon ki baze sou merit. Nou bezwen pou bon kalite moun antre nan peyi nou an."

Miray prezidan Donald Trump ap reklame a, se yon bagay ki kapab koute 20 milya dola alòske kongrè a pare pou l dekese anviwon yon milya 500 mil dola pou mezi sekirite anplis sou fwontyè peyi pataje ak Meksik la.

XS
SM
MD
LG