Accessibility links

Breaking News

Depatman Jistis Etazini an di Otorite Ameriken deja Remèt Aviwon Mil 400 Timoun Bay Paran yo.


Minis Jistis Etazini Jeff Sessions nan Vil Boston, Eta Massachussetts, Jedi 26 Jiyè, 2018.AP/Charles Krupa.

Dènye dèle la jistis amerikèn te bay administrasyon prezidan Donald Trump-la pou l reyuni timoun li te separe ak paran ki te antre Ozetazini ilegalman , enben dèle sa a ekspire depi yè jedi 26 jiyè 2018 la. Depatman jistis Etazini an di jedi 26 Jiyè genyen jiskaprezan mil 400 timoun ki poko atenn laj 5 kan ak lòt pi gran ki deja nan men paran. Julisa Zaragoza ap travay nan sèvis sosyal yon legliz:

"Se yon bagay ki soulve anpil emosyon pou wè anpil nan moun sa yo, e sitou timoun piti ki pè pou yo pa separe yo ak paran yo. Yo pa vle pale anpil , paske yo senpleman kontan deske yo genyen ti moman sa-a ansanm, ou konenn , yo gen laperèz e yo gen bonjan rezon pou sa. Kounyela-a , yo justeman kontan deske yo pral kapab wè fanmi yo epi retounen lakay yo".

Pandanstan, genyen apeprè 700 lòt timoun ki toujou anba kontwòl gouvènman federal-la , e toujou gen ensètitud sou avni pa yo.

XS
SM
MD
LG