Accessibility links

Breaking News

Otorite Amerikèn Enkilpe Yon Fanm ris pou aktivite Espyonaj Anfavè Gouvènman Peyi li.


Dokiman Tribinal ki montre yon pati nan plent Lajistis amerikèn Kont Maria Butina.

Otorite amriken yo lage akizasyon konplotay sou do yon fanm ris 29 van, Maria Butina, deske lap fè travay ajan sekrè Ozetazini anfavè yon gouvènman etranje. Madam Butina gen pou l konparèt nan tribinal nan kad yon depozisyon pou detèmine li kapab jwenn yon liberasyon sou siveyans jidisyè. Men pwokirè ameriken kwè gen posiblite pou akize a pran avyon pou l kite teritwa ameriken an.

Maria Butina, se yon militan kap defann dwa pou moun posede zam afe e ki gen lyen sere ak Asosyasyon Nasyonal Zam afe, N R A, tonbe anba akizasyon lajistis amerikèn madi 17 jiyè 2108 poutèt lap mennen aktivite espyonaj pou gouvènman ris andedan Etazini san l pa avèti minis jistis ameriken an, jan lalwa mande a.

Dapre komisè gouvènman ki sou dosye a, Maria Butina, tap eseye enfluyanse politik Etazini yon ti bout tan anvan dewoulman eleksyon prezidansyèl 2016 la, kote li te chache tabli lyen zanmitay sere ak ameriken enfluyan, yon fason pou penetre andedan antite politik tankou Asosyasyon Nasyonal Zam Afe, N R A pou fè avanse enterè Larisi Ozetazini.

Zak espyonaj sa a mache ak yon santans anviwon 5 kan prizon.

XS
SM
MD
LG