Accessibility links

Breaking News

Meksik Eli premye Prezidan Gochis li Depi Plizyè Dizèn Lane.


Andres Manuel Lopez Obrador ak Madanm li Beatriz Gutierrez Muller nan vil Meksiko, premye Jiyè, 2018.REUTERS/Goran Tomasevic.

Peyi Meksik eli yon nouvo prezidan dimanch premye jiyè 2018 ki se Andres Manuel Lopez Obrador. Mesye Obrador, ki ranpòte yon gwo kokenn viktwa anba labanyè pati MORENA li fonde depi 4 tran-an, enben lap chache diminue oryantasyon gochis li a, kote li sèmante pou l' rapousuiv yon veritab demokrasi nan peyi a e nonpa yon sistèm diktatu.

" Mwen pran angajman pou'm pa trayi konfyans pèp meksuiken-an plase nan mwen, nap pale de plizyè milyon meksiken, mwen pral gouvène nan la dwatur e avek justis, mwen pa pral desu nou, mwen pa pral trayi pèp-la".

Prezidan-eli a di li pral chache tabli yon rapò ak Etazuni ki baze sou devlopman, zanmitay ak respè mutyèl e nan defans imigran ki abite e kap travay sou territwa ameriken an. Bò kote pa'l, prezidan Donald Trump prezante felisitasyon li bay Andres Manuel Lopez Obrador pou viktwa li ranpòte nan eleksyon prezidansyèl yo o Meksik, kote li di li paka tann pou l' travay ak prezidan eli a. Mesye Obrador, se premye kandida gochis ki eli ak preske 54 pousan vwa nan Meksik depi plizyè dizèn lane. Rival ki pi pwòch li a ranmase mwatye nan kantite vòt li jwenn nan.

XS
SM
MD
LG