Accessibility links

Breaking News

Masak nan Lokal Jounal "Capital Gazette" nan Eta Maryland: Atakan Jarrod Warren Ramos Fè 5 Viktim Mòtèl


Foto sa a, ke lapolis vil Annapolis, Eta Maryland, pibliye vandredi 28 jen 2018 la, montre Jarrod Warren Ramos ki anba akizasyon deske li komèt asasina premye degre aprè li te ouvè kout-zam sou anplwaye jounal The Capital Gazette kote li touye 4 jounalis ak yon manm pèsonèl la avan ajan sekirite te arete li. (Foto: Polis Awondisman Anne Arundel via AP).

Ozetazini, nan jounen vandredi 29 jen 2018 la, yon jou aprè yon nèg ame te touye 5 moun nan lokal yon revi ki rele Capital Gazette, nan vil Annapolis, kapital Eta Maryland, kòlèg viktim yo pibliye yon nouvo nimewo kote yo pale de evennman tèrib la ki te dewoule nan sal-nouvèl yo a mwens ke 24 trè anvan sa.

Gran tit ki parèt nan premye paj la di: "5 Moun Mouri nan Lokal Jounal Kapital Gazette la." Repòtè jounal la ekri e yo pibliye diferan atik kote yo rekonte ekperyans pèsonèl yo pandan dewoulman ensidan malouk sa a. Sepandan, ribrik kote responsab yo abitye pibliye editoryal la rete tou blanch. Moun ka li sèlman mo sa yo:

<< Jodi a, pawòl twò fò; machè gonfle. Nou rete bouch be! >> Men yo ajoute paj opinyon an "pral retounen demen."

Steve Schuh, prezidan komisyon administratif Konte Anne Arundel, nan Maryland, kenbe nan men li kopi yon nimewo espesyal jounal Capital Gazette tou prè anplasman kote yon nèg ame te ouvè kout-zam sou repòtè jounal la e touye 5 nan yo nan vil Annapolis, Eta Maryland, jedi 28 jen an. (Foto: AP Photo/Patrick Semansky - Vandredi 29 jen 2018).
Steve Schuh, prezidan komisyon administratif Konte Anne Arundel, nan Maryland, kenbe nan men li kopi yon nimewo espesyal jounal Capital Gazette tou prè anplasman kote yon nèg ame te ouvè kout-zam sou repòtè jounal la e touye 5 nan yo nan vil Annapolis, Eta Maryland, jedi 28 jen an. (Foto: AP Photo/Patrick Semansky - Vandredi 29 jen 2018).

Lapolis nan vil Annapolis idantifye atakan an kòm Jarrod Warren Ramos. Li te ame avèk divès grenad epi yon revolvè. Daprè dosye lajistis ki parèt sou wèb la, otorite yo lage sou do li nan jounen vandredi a 5 chèf dakizasyon ki lonje dwèt sou li kòmkwa "li komèt asasina premye degre." Viktim yo se Gerald Fishman, Rob Hiaasen, John McNamara, Rebecca Smith avèk Wendi Winters.

Nan yon nòt Prezidan Donald Trump pibliye sou kont Twitter li, li fè konnen otorite yo mete li okouran sa k pase nan Annapolis la e li kenbe viktim yo ak fanmi yo nan "panse ak priyè" li. Bò kote pa l, pòtpawòl La Mezon Blanch la, Sarah Sanders, pibliye yon twit kote li di: "Yon atak sou jounalis k ap fè travay yo se yon atak sou tout sitwayen ameriken." Anfen gouvènè Eta Maryland la, Larry Hogan, pilbiye yon twit kote li fè konnen: "Trajedi sa a devaste mwen totalman."

XS
SM
MD
LG