Accessibility links

Breaking News

Larisi Deside Ekspilse Diplomat Divès Peyi Oksidantal


Anbasadè La Grann Bretay la nan Larisi, Laurie Bristow, pandan li t ap sòti nan Ministè Afè Etranjè a nan Moskou in Moskou, vandredi 30 mas 2018 la. (Foto: REUTERS/Maxim Shemetov).

Ministè Afè Etranjè Larisi a te konvoke, nan kòmansman jounen vandredi 30 mas 2018 la, anbasadè divès peyi oksidantal pou remèt yo yon lèt pwotestasyon epi di yo Moskou pare pou l reponn kif-kif aprè peyi konsène yo te pran desizyon pou yo mete deyò plizyè diplomat ris. Moun te ka wè anbasadè alman an ki t ap kite lokal ministè a, tandiske anbasadè La Oland, Ikrèn, Lafrans, Itali ak Lapolòy t ap antre, yo menm.

Dènye nouvèl yo fè konnen Kremlen an bay diplomat yo envitasyon pou yo diminye kantite manm pèsonèl yo, paske yo se "diplomat ennmi" kòm yon repons kif-kif pou desizyon peyi sa yo pran an menm tan pou yo mete diplomat ris deyò.

Sanble se manm pèsonèl anbasad Grann Bretay la Kremlen an te plis vize, paske se misyon sa a ki sibi pi gwo rediksyon an. Otorite ris yo, ki te konvoke anbasadè britanik la, fè li konnen li gen yon mwa pou l wete nan pèsonèl la menm kantite diplomat peyi li te mete deyò.

XS
SM
MD
LG