Accessibility links

Breaking News

Etazini -Vyolans: Yon Atak ak Fizi fè yon Mò ak Anpil Blese nan Eta Kentucky

  • Ekip Sèvis Kreyòl VOA

Pannkat sa a di << NOU KA METE FEN NAN VYOLANS AK ZAM-A-FE >>
Yon moun pou pi piti mouri e anpil lòt blese nan yon fiziyad ki dewoule byen bonè madi 23 janvye 2018 la nan yon lise nan Eta Kentucky, pati sidès Lèzetazini, daprè sa otorite yo anonse.
Gouvènè Eta a, Matt Bevin, ak lapolis pibliye tweet kote yo konfime ke atak la dewoule vrèman nan yon Lise nan Awondisman Marshall nan vil Benton nan pati lwès Kentucky.
Nan Twitter Gouvènè Bevin nan, li di lapolis mete men sou atakan an e otorite yo poko genyen twòp detay sou ensidan an. Lapolis fè konnen yo va pibliye lòt nouvèl sou atak la lè plis detay va disponib. Responsab lise a pa t ka mete yo a la dispozisyon laprès imedyatman pou kòmantè.
XS
SM
MD
LG