Accessibility links

Breaking News

MESAJ PREZIDAN TRUMP SOU SEKIRITE NASYONAL LEZETAZINI-- REYAKSYON


Prezidan Donald Trump.

Nan Moskou, otorite yo fè konnen yo konsidere nouvo plan estratejik prezidan ameriken an, Donald Trump, anonse nan yon mesaj li mete devan lemond lendi 18 desanm 2017 la poul l garanti sekirite nasyonal Lèzetazini, ebyen! otorite ris di yo konsidere plan sa a kòm yon pwogram kap defann enterè yon puisans enperyal.

Prezidan Larisi a, Vladimir Putin.
Prezidan Larisi a, Vladimir Putin.

Dapre pòtpawòl Kremlen an, Dimitry Peskoff, plan administrasyon Trump la detaye a se yon siyn ki montre gouvènman ameriken an pa vle rekonèt yon mond ki genyen plis ke yon grand puisans ladan n. Misye Peskoff rejte lide kòmkwa Larisi reprezante yon menas pou sekirite Lèzetazini; men li resevwa ak satisfaksyon deklarasyon Misye Trump fè pou l di li gen volonte pou l travay ansanm ak Larisi nan domèn kote 2 peyi yo gen enterè komen.

REYAKSYON LACHIN SOU PLAN ESTRATEJIK PREZIDAN TRUMP LA

Pansansetan, nan Peken, kapital Lachin, otorite yo rejte kritik ki genyen nan mesaj Prezidan Donald Trump la - yon mesaj kote lidè ameriken an mete Lachin pami peyi kap fè konpetisyon estratejik ak Lèzetazini e k ap lanse defi kont valè ak prensip ameriken yo.

Prezidan Donald Trump (agoch) ak prezidan chinwa a, Xi Jinping.
Prezidan Donald Trump (agoch) ak prezidan chinwa a, Xi Jinping.

Vrèmanvre, nan mesaj la Misye Trump lage gwo kritik sou do lidè pati kominis la nan Lachin, paske li akize yo deske y ap chache gaye nan lemond sistèm diktatoryal peyi yo a, y ap volè pwopriyete entèlektyèl e y ap chache enplante nan lòt peyi sistèm ekonomi dirije yo a.

Potpawòl Ministè Afè Etranjè Lachin nan, Madam Hua Chuniang -ki tap bay yon pwen de près nan Peken madi 19 desanm 2017 la- fè konnen tout deklarasyon Misye Trump fè sou Lachin yo se "yon efò pou l defòme reyalite a."

XS
SM
MD
LG