Accessibility links

Lèzetazini Absan nan Somè Pari sou Pwoteksyon Planèt la

  • Ekip Sèvis Kreyòl VOA

Atis ak anviwonmantalis chinwa Kong Ning, kap apiye Somè "One Planet = Yon sèl Planèt" la nan Boulogne-Billancourt, tou pre Pari, Frans, madi 12 desanm 2017 la.

Prezidan Donald Trump pat jwenn envitasyon pou l patisipe nan somè Pari sou Finansman Lit kont Rechofman Planèt la kap dewoule madi 12 desanm nan. Ane pase a Misye Trump te anonse li wete Lèzetazini nan Akò Pari a, paske "li pa bay Lèzetazini menm avantaj li bay kèk lòt peyi.

Menmsi gouvènman federal ameriken an pa manm Akò Pari a ankò, anpil vil ak eta Ozetazini kontinye aplike desizyon ki nan akò a. Se konsa Somè Pari sou Finansman Lit kont Rechofman Planèt la ap dewoule ak patisipasyon savan ameriken ak reprezantan kèk eta ak kèk vil Ozetazini.

Nan Somè Pari a, Prezidan Emmanuel Macron, (adwat), ki tap rankontre ak òmdafè ameriken Michael Bloomberg (aghoch), ko-fondatè Microsoft Bill Gates Bill Gates, antreprenè britanik Sir Richard Branson (3èm agoch), epi kèk lòt filantwòp nan Palè L'Elysee a nan Pari, 12 desanm 2017 la.
Nan Somè Pari a, Prezidan Emmanuel Macron, (adwat), ki tap rankontre ak òmdafè ameriken Michael Bloomberg (aghoch), ko-fondatè Microsoft Bill Gates Bill Gates, antreprenè britanik Sir Richard Branson (3èm agoch), epi kèk lòt filantwòp nan Palè L'Elysee a nan Pari, 12 desanm 2017 la.

Ansyen Sekretè Deta ameriken John Kerry, ki fè deplasman an nan Pari, deklare: "Reprezantan 38 eta prezan nan somè sa a. Yo tout dakò pou yo travay pou enèji renouvlab. Gen reprezantan 90 vil; yo pami pi gwo vil yo Ozetazini. Majistra kominal yo ap travay pou aplkie Akò Pari a."

Ansyen Sekretè Deta ameriken John Kerry, ajoute: "Mwen ka di 38 Eta ki voye reprezantan yo isit la reprezante tou 80% tout popilasyon amerikèn nan. Yo pran angajman pou yo respekte Akò Pari a; e nou dispoze pou nou toujou kenbe pawòl nou."

Prezidan ayisyen an Jovenel Moise pran lapawòl nan somè pari sou Finansman Plan Proteksyon Planèt la; tèm nan se Yon Sèl Planèt. Li plede pou responsab pwogram sa a konsidere rejyon karayib la globalman lè yap ede peyi yo konbat rechojman planèt la. Lidè ayisyen an di: "Si se yon sèl Planèt, se yon Sèl Karayib."

Prezidan Jovenel Moise ak Prezidan fransè a Emmanuel Macron. Pari 11 desanm 2017.
Prezidan Jovenel Moise ak Prezidan fransè a Emmanuel Macron. Pari 11 desanm 2017.

Prezidan Jovenel Moise swete pou èd entènasyonal la, nan domèn lit kont rechofman planet la kòm nan lòt yo, pase pa gouvènman yo, paske se yo ki konnen kote nesesite yo ye, kisa ki reprezante priyorite pou peyi yo.

Prezidan Moise regrèt le fèt ke pwogram asirans kap sèvi nan rejyon karayib la -an tou ka nan peyi d Ayiti- pa apwopriye ou ta bezwen chanjman; pa egzanp, alòske Siklòn Matthew te fè dega ann Ayiti pou preske 3 milya dola, kanpansasyon asirans la sete 23 milyon dola sèlman.

XS
SM
MD
LG