Accessibility links

Depatman Deta a Ameriken an Rejte Eleksyon pou Plas Gouvènè ki Dewoule O Venezuela

  • Ekip Sèvis Kreyòl VOA

Heather Nauert, pòtpawòl Depatman Deta Ameriken an.

Men reyaksyon pòtpawòl Depatman Deta ameriken an, Heather Nauert, pibliye sou eleksyon pou plas gouvènè ki dewoule dimanch 15 oktòb la o Venezuela:

<< Lèzetazini bat bravo pou kouraj, detèminasyon ak volonte pèp venezuelyen an montre lè l te eseye egzèse dwa konstitisyonèl li nan eleksyon pou plas gouvènè ki dewoule nan dat 15 oktòb la.

<< Nou kondane le fèt ke elwksyon sa a o Venezuela pat lib ni onèt. Pèp venezuelyen an pa rive fè tande vwa l. Malelezman, nou te deja pale pou n di eleksyon sa a ban nou enkyetud; e sa k pase a ban nou rezon: pat genyen obsèvatè endepandan ni kredib, pat genyen yon odit teknik sou tabulasyon Konsèy Elektoral Nasyonalla (CNE); te genyen chajman a ladènyè minut nan biwo-de-vòt yo san pat gen yon anons piblik sou sa; te gen manipulasyon pwosè-vèbal yo; epi pat genyan ase aparèy pou moun vote nan katye kote patizan opozisoyn an tap vote.

Toutotan rejim Maduro a kontinye konpòte li kòm yon diktatu otoritè, nou pral kontinye travay avèk manm kominote entènasyonal la e nou pral itilize tout pwa ekonomik ak diplomatik Lèzetazini pou nou apiye pèp Venezuelyen an pandan lap eseye rétabli demokrasi li a. Nou kontinye lanse apèl bay rejim nan pou l satisfè bezwen inaminè pèp li a, respekte konstitisyon an ak Asanble Nasyonal la, pèmèt peyi genyen yon veritab pwosesis demokratik, epi libere tout prizonye politik. >>

XS
SM
MD
LG