Accessibility links

Etazini: Prezidan Trump Poze Kondisyon Pou Nòmalizasyon Stati Jenn Imigran Ilegal ki te Antre Ozetazini Pandan yo te Piti

  • Ekip Sèvis Kreyòl VOA

Prezidan amerikan an Donald Trump pandan li tap pale ak repòtè yo avn li te kite Mezon Blanch Washington pou lte ale nan Greensboro, Kawolin di Nò, 7 oktòb 2017.

Pami kondisyon yo, gen yon gwo pase-men nan fason otorite imigrasyon yo bay fami nouvo ameriken rezidans ak konstriksyon yon miray sou fwontyè ant Lèzetazini ak Meksik.

Prezidan ameriken an, Donald Trump, pale klè dimanch 8 oktòb 2017 la, pou l di li poze yon kondisyon pou l aksepte yon antant ak otorite demokrat yo nan Kongrè a sou kesyon nòmalizasyon stati jenn imigran ki te antre Ozetazini pandan yo te piti ak paran yo ki se imgran ilegal: kondisyon an gen 3 pati: 1.- se yon gwo pase-men nan fason otorite imigrasyon yo bay imigran rezidans (green card); 2.- anboche 10 mil lòt ajan imigrasyon; 3.- konstriksyon yon miray sou fwontyè ant Lèzetazini ak Meksik.

Mwa pase a, Prezidan Trump te anonse li gen kèk plan pou l mete fen nan yon pwogram ki rele “Deferred Action for Childhood Arrivals Program”, swa “Pwogram pou Ranvwaye Tout Aksyon Konsènan Imigran ki te Rive Ozetazini pandan yo te Timoun. Se yon pwogram administrasyon Obama a te mete sou pye pou pwoteje kont depòtasyon plizyè santèn milye jenn imigran ki te antre Ozetazini ilegalman ak paran yo.

Lidè ameriken an anonse kondisyon li poze yo nan yon lèt li voye bay lidè Kongrè a dimanch. Kondisyon yo genyen ladan yo yon desizyon pou limite relasyon yon sitwayen ameriken dwe genyen ak yon manm fanmi li pou li ka fè l antre Ozetazini: se mari ak madanm, epi pitit yo ki gen laj minè; genyen tou kreyasyon yon sistèm ki baze sou merit pou deside kiyès ki ka emigre Ozetazini, epi koupe soukantie refujye kap gen pèmisyon pou yo jwenn azil nan peyi a.


Dapre misye Trump, kondisyon sa yo kapab –nap site “ankouraje siksè ekonomik ak asimilasyon nouvo imigran yo" an menm tan ke sa kapab pwoteje nivo salè travayè ameriken yo.

XS
SM
MD
LG