Accessibility links

Etazini: Omaj nan Memwa Heather Heyer, youn nan Viktim Ensidan Fatal Charlottesville yo

  • Ekip Sèvis Kreyòl VOA

Cynthia Sullivan kap kriye pandan seremoni antèman Heather Heyer, yon jèn fi ki te pèdi lavi li nan ensidan fatal samdi 12 out la lè yon nonm te antre machin li sou foul kont-manifestan rasis yo nan Charlotteville Virjini.

Zanmi, manm fanmi ak moun andèy te reyini mèkredi 16 out 2017 la nan antèmam Heather Heyer 32 zan yon jèn dam blanch ki mouri nan wikenn pase a, lè yon nonm te pote boure ak machin li tap kondi a nan mitan yon foul moun ki te mete sou pye yon kont manifestasyon pou pwoteste nan Charlottesville, Eta Virjini, kont yon rasanbleman poupilè gwoup ameriken blan ki kwè yo soti nan yon ras ki siperyè ak lòt kretyen vivan yo.

Heather Heyer, se yon rezidan Charlottesvile ki te twouve l pami plizyè santèn militan ki te pote kole pou leve kanpe kont manifestasyon sipremasis blan yo te òganize yo menm samdi 12 out la pou te pwoteste kont desizyon gouvènman lokal la nan Virjini pran pou l retire estati ansyen kòmandan lame rebel gè sivil la, Jeneral Robert E. Lee ki sou plas Emansipasyon an.

Manman viktim nan, Susan Bro, di asanble a rete mobilize pou konbat rasis. Li ajoute yo te eseye touye pitit fi mwen an; men devinie ki sa? yo jis rann li pi gran."

XS
SM
MD
LG