Accessibility links

Breaking News

Avyon L'OTAN Lanse Divès Atak Sou Libi


Yon nèg ki blese nan atak fòs L'OTAN yo lanse sou Libi

Nan peyi Libi, byen bonè madi 10 me a avyon militè l’OTAN lanse yon seri de gwo atak nan kapital la, Tripoli.

Temwen fè konnen moun te ka tande 5 gwo eksplozyon nan vil la e yo wè yon gwo kokenn lafimen dife ki t ap monte nan syèl la.

Gouvènman an te envite jounalis al vizite kèk nan zòn kote atak sa yo fè dega. Bonbadman yo touche yon edifis piblik kote leta genyen yon biwo, yo kraze yon « tour» kote yon konpayi kominikasyon genyen antèn ni, e yo kraze fenèt yon lopital.

Nouvèl yo fè konnen se posib ke atak la frape kay kote fanmi lidè libyen an, Mohammar Khadafi, ap viv.

Gwo bonbadman sa yo dewoule you jou apre avyon militè l’OTAN te lanse atak separe sou depo zam gouvènman libyen an nan vil Zintan, nan pati wès Libi.

XS
SM
MD
LG