Accessibility links

Minis Jistis Venezuela a, Luisa Ortega Diaz, Pran Distans li ak Prezidan Nicolàs Maduro

  • Ekip Sèvis Kreyòl VOA

Minis Jistis Venezuela a, Luisa Ortega Diaz, ki tap pale ak jounalis yo nan yon konferans pou laprès nan Caracas, nan dat 24 me 2017 la. (Foto : Dosye)

Nan Venezuela, minis jistis la, Luisa Ortega Diaz, kontinye pran distans li ak gouvènman sosyalis Prezidan Nicolàs Maduro a. Minis la depoze nan tribinal, nan jounen jedi 8 jen 2017 la, yon plent kote li lanse yon defi kont dispozisyon prezidan an pran pou li bay peyi a yon konstitisyon tou nèf.

Nan plent sa a, Madam Ortega Diaz mande pou lajistis anile asanbe kontityant gouvènman van fòme a e ki ta sipoze kòmanse travay nan mitan sezon ete kap vini la a. Daprè minis jistis la, se yon asanble enkonstitusyonèl e li pa reprezantatif.

Nan yon konferans pou laprès Minis Ortega Diaz bay sou kesyon an, li di dekrè prezidansyèl ki mande fòmasyon asanble a se yon dokiman ilegal, paske “Se pèp la --e pèp la sèman-- ki gen pouvwa souvren pou li mande refòm nan konstitisyon an. ”

XS
SM
MD
LG