Prezidan Barack Obama deklare Donald Trump pa santi siksè l asire e ke Kandida prezidansyèl Repibliken an “ap desann lòt moun pou moute tèt li.
Msye Obama t ap reyaji apre kòmantè Msye Trump an 2005, lè kamera te anrejistre l ki t ap di jan li ka touche fanm nan pati prive yo paske li se yon vedèt. Yon video ak kòmantè sa yo te parèt sou jounal Washington Post vandredi 7 okòb 2016 la.
Msye Trump te prezante eskiz li avan deba a pou kòmantè li yo e te rejte pwopozisyon kèk Repibliken pou l ta mete kò l sou kote anfavè chwa li pou vis-prezidan Mike Pence.
Apre sa, li akize ansye Prezidan Bill Clinton kòmkwa li ta abize fanm fizikman e fè konnen Hillary Clinton te “atake britalman e imilye viktim Bill Clinton yo."