Accessibility links

Meteo : Siklòn Hermine Touche Kòt Lès Etazini

  • Ekip Sèvis Kreyòl VOA

Yon ri chaje debri nan vil Cedar Key, Eta Florid, apre pasaj Tampèt Twopikal Hermine nan kòmansman jounen vandredi 2 septanm 2016 la.

Siklòn Hermine touche tè nan Gòlf Florid la, nan pati sidès Lèzetazini, byen bonè vandredi 2 septanm 2016 la. Depi lè sa a li pèdi fòs pou l tounen yon depresyon twopikal pandan li pran direksyon Eta ki nan nò Florid yo. Se premye siklòn ki touche Eta Solèy la nan youn dizèn lane; li koze blackout ak inondasyon divès kote e kaptenn-meteo prevwa li ka lage 50 santimèt lapli nan kèk rejyon nan Florid.

Melvin Gatlin Jr., nan lakou lakay papa li nan Valdosta, Eta Jòji. Yon pye bwapen tonbe epi kraze tètkay la nan mitan jounen vandredi 2 septanm 2016 pandan pasaj Tanpèt Twopikal Hermine (Foto AP).
Melvin Gatlin Jr., nan lakou lakay papa li nan Valdosta, Eta Jòji. Yon pye bwapen tonbe epi kraze tètkay la nan mitan jounen vandredi 2 septanm 2016 pandan pasaj Tanpèt Twopikal Hermine (Foto AP).

Gouvènè Eta Florid la, Rick Scott -ki tap pale nan kòmansman jounen vandredi a-- te fè konnen menm si Hermine touche tè kòm yon siklòn kategori 1, li gen kapasite pou l kreye kondisyon ki menase lavi moun. Gouvènè a deklare yon eta dijans nan 51 awondisman nan Florid tandiske Prezidan Barack Obama mande Ajans Federal Jesyon Ijans yo (FEMA) kenbe li o-kouran evolisyon sitiyasyon an. Nap raple Misye Obama twouve li nan Eta Awayi kote lap asiste yon konferans entènasyonal sou konsèvasyon espas nitarèl pwoteje yo. Apre sa lidè ameriken an gen pou l ale nan peyi Lachin pou l asiste somè G-20 an.

XS
SM
MD
LG