Accessibility links

Atak nan yon Legliz nan Kawolin di Sid. Bilan: 9 Mò.

  • Ekip Sèvis Kreyòl VOA

Majistra Vil Charleston nan, Joseph Riley, a dwat, kanpe bò kote chèf polis la, Gregory Mullen, pandan li tap pale ak laprès devan Legliz Metodis Episkopal Emanuel la nan kòmansman jounen jedi 18 jen 2015 la.

9 moun mouri nan sware mèkredi 17 jen 2015 la aprè yon nèg ame te ouvè kout-zam nan yon legliz nwa ameriken nan vil Charleston, Eta Kowolin di Sid, nan pati sid Lèzetazini

Lapolis ap mennen ankèt sou atak sa a ki, daprè otorite yo, se yon zak lahèn enspire. Chèf polis vil la, Greg Mullen, fè laprès konnen atakan an se yon blan ki gen 21 nan, men li pa idantifye li. Akize a te antre nan Legliz Metodis Episkopal Emanuel la pandan yon priyè ki dewoule chak semèn epi li pran tire.

Kòmandan Mullen ajoute 8 moun mouri sou plas nan legliz la, tandiske yon 9èm rann dènye soupi li nan lopital. Youn nan mò yo se pastè legliz la, Clementa Pinckney, ki te yon manm sena Eta Kawolin di Sid la. Chèf polis la fini pa di anpil lòt moun blese nan fiziyad sa a ki, daprè li, se yon zak ki pa fè sans ditou. Majistra Charleston nan, Joseph Riley, fè konnen atak sa a «se yon trajedi degoutan » ki ba li gwo kè-kase.

XS
SM
MD
LG