Accessibility links

Rankont Prezidan Raul Castro ak Pap Franswa nan Vatikan

  • Ekip Sèvis Kreyòl VOA

Pap Franswa pandan li tap fè echanj kado ak Prezidan kiben an, Raul Castro (2èm, adwat) pandan yon odyans prive nan Vatican, dimanch 10 me 2015 la.

Prezidan kiben an, Raul Castro, fè nan Vatikan, nan jounen dimanch 11 me 2015 la, yon vizit kote li remèsye Pap Franswa pèsonèlman pou wòl li te jwe nan demanch ki te fèt pou mete fen nan plis pase 50 tan tansyon ant Etazini ak Kiba. Visit sa a dewoule nan moman Washington ak La Avàn ap travay pou retabli relasyon diplomatik yo.

Lidè kiben an rankontre Pap Franswa (ki se yon sitwayen peyi Ajantin) pandan anviwon inèdtan kote 2 pèsonalite yo te pale an espayòl, lang manman yo. Chèf legliz katolik la te jwe yon wòl trè zenpòtan nan negosyasyon sekrè ki te fèt ant La Avàn ak Washington e ki ta pral debouche sou deklarasyon Prezidan Obama ak Prezidan Castro te fè, nan mwa desanm ane 2014 la, pou yo te anonse retablisman relasyon diplomatik yo.

Nan yon seremoni ki dewoule nan Vatikan an, Misye Castro deklare -nap site : "Mwen remèsye Pap la pou sa l fè. Mwen fè l konpliman pou sajès li, modesti li ak tout lòt kalite li posede." (fen sitasyon). Prezidan kiben an te ale ann Itali apre yon vwayaj nan Larisi kote li te rankontre ak Prezidan Vladimir Poutin.

XS
SM
MD
LG