Accessibility links

Ayiti/Kriz Elektoral -- Rankont Komisyon Konsiltatif la ak Sena a

  • Ekip Sèvis Kreyòl VOA

Manm komisyon konsiltatif ki gen pou fè Prezidan Michel Martelly rekòmandasyon sou pi bon mwayen pou rezoud kriz politik e pre-elektoral la, rankontre ak Sena Repiblik la nan jounen mèkredi 3 desanm 2014 la, 3 jou apre enstalasyon li

Yon lòt kote, Ayiti okipe 161èm plas pami 174 peyi nan yon klasman ki evalye nivo koripsyon ki genyen atravè lemond. Rapò sa a sòti nan enstitisyon “Transparency International” ki pibliye li mèkredi 3 desanm 2014 la. Marilyn Allien, direktris “Fondasyon Eritaj” --yon branch Transparency International-- di Lavwadlamerik Ayiti fè yon ti pwogrè pa rapò a klasman ane 2013 la. Bò kote pa l, direktè pwogram politik Transparency International pou responsabilite gouvenman yo, Daniel Dudi, ki pale ak Lavwadlamerik, atire atansyon sou le fèt ke Ayiti twouve l anba klasman an e li lanse apèl bay responsab ayisyen yo pou l mande yo pran bon jan angajman pou yo konbat koripsyon.

Anfen, kriz kouran elektrik la nan rejyon Wanament ak Fòlibète, nan Nòdès peyi d Ayiti, sou wout pou l jwenn yon solisyion ; paske Ajans Etazini pou Devlopman Entènasyonal (USAID) ak konpayi ENREKA pran angajman pou yo pote yon bon soulajman bay popilasyon konsène yo. Minis kominikasyon ayisyen an, Rudy Hérivaux, fè konnen reparasyon santral Chevry a pral pèmèt depatman an benefisye de 4, 4 megawatt kouran.

XS
SM
MD
LG