Accessibility links

Seminè Fòmasyon pou Jounalis Ayisyen nan Lavwadlamerik

  • Jacquelin Bélizaire

Jounalis ayisyen yo pandan yo tap vizite biwo Depite John Conyers nan kongrè ameriken an.

Yon gwoup jounalis ayisyen ap patisipe, depi lendi premye desanm 2014 la nan Washington DC, nan yon seminè fòmasyon kap dire yon semèn. Pandan sejou travayè laprès sa yo nan kapital federal Lèzetazini an, yap vizite plizyè gwo enstitisyon amerikèn, tankou Kongrè a, Lamezon Blanch, Depatman Deta Ameriken, elatriye….

LavwadLamerik (Sèvis Kreyòl la) ak Anbasad Amerikèn nan ann Ayiti ki òganize semininè a fè pou patisipan yo divès ekspoze sou wòl laprès nan demokrasi amerikèn nan, ankèt jounalistik, kòd detik metye jounalism nan, diferan zouti pou fè metye a, itilizasyon medya sosyal yo, pou n site tèm sa yo sèlman.

Jounalis ayisyen yo te gen okazyon rankontre Depite ameriken John James Conyers Jr., ki reprezante 13èm distri elektoral (sikonskripsyon) Eta Michigan. Non yo se : Pradel Alexandre (jounalis Radio Delta nan Sen Mak e korespondan Television Nationale d’Haiti) ; Jean Garry André (repòtè e prezantatè nan Radio-Télé Express nan Jakmèl, afilye Lavwadlamerik), Amos Barnade Brévil (jounalis Radio Kiskeya nan Pòtoprens), Rose-Bertha Denestant (direktris sal nouvèl Radyo Macaya nan vil Okay), James Dufresne (repòtè e prezantè nan Radio Nationale d’Haiti), Yvenson Franck (jounalis Radio Signal FM, Pòtoprens), Cannos Garnier (jounalis Radio-Télé Vénus nan Kap Ayisyen, afilye Lavwadlamerik), Joseph Michel Lubin (jounalis Radio Ibo nan Pòtoprens), Exalus Mergenat (direktè sal nouvèl Radio Trans-Atlantique nan Gonayiv/korespondan TNH ak AlterPress), Carmelle Pierre (jounalis Radio Passion FM, Kap Ayisyen).

NB.- Foto ki akonpaye repòtaj sa a genyen sou li, an plis jounalis nou site yo: Depite John J. Conyers, Ronald César (Chèf Sèvis Kreyòl la), Pierre Nazon Beaulière (jounalis Lavwadlamerik nan Miami), ak Patrick Franscisque (entèprèt).

XS
SM
MD
LG