WASHINGTON, D.C. —
Gouvènman kanadyen an ap anvizaje adopsyon yon lwa ki ka entèdi imigran ki gen plizyè madanm (poligami) antre o Kanada. Yon pwojè lwa nan sans sa a antre devan sena a mèkredi 5 novanm nan; lejislasyon sa a baze sou yon prensip nou jwenn nan yon lwa kanadyèn ki rele “Lwa zewo tolerans gouvènman an kont pratik kiltirèl barbar e sovaj.”
Nan yon nòt minis imigrasyon kanadyen an, Chris Alexander, pibliye sou entènèt la, li deklare:
« Lwa sa a pral voye yon mesaj klè pou di: Pratik tankou maryaj fòse e ki fèt anvan lamarye genyen laj pou sa, zak-vyolans tankou asasina yon sè oubyen yon kouzin ki ensent san l pa marye pou vanje ou sove lonè lafanmi, pratik tankou yon nèg ki marye ak pliyzè fi… tou sa se bagay Kanada pap tolere.”