Accessibility links

2èm Jou Konvèsasyon Wo Nivo Ant Lèzetazini ak Lachine nan vil Pekin

  • VOA Nouvèl

Sekretè deta, John Kerry, pandan l t ap tap pale nan Dyalòg Estratejik e Ekonomik la nan Pekin (10 jiyè 2014)

Negosyasyon Dyalòg Estratejik e Ekonomik la tanmen ant yon gwoup òmdafè ameriken e chinwa nan kapital chinwaz la, Peken. Nan moman tansyon pan sispann monte nan relasyon 2 nasyon yo sou kesyon pirataj sibènetik, hing-hang teritoryal Lachin avèk alye Lèzetazini nan rejyon Azi a, kesyon dwazimen ann Chin, anpil moun wè fowòm kooperasyon ekonomik la kòm yon bèl opòtinite pou 2 peyi yo dyaloge.

Minis finans ameriken an, Jack Lew, deklare relasyon komèsyal rete yon tès enpòtan nan zye Etazini. Li di se yon mwayen pou kreye kwasans ekonomik ak travay nan 2 peyi nou yo…e’l se mwayen pou ede ekonomi mondyal la fè pwogrè.

Ekonomi amerikèn te sibi yon ralantisman 2.9 pousan pandan premye trimès ane 2014 la tandiske ekonomi Lachin nan te anrejistre yon kwasans 7.4 pousan pandan menm peryòd lan; sepandan, se kwasans pi fèb ekonomi chinwa a nan yon peryòd 18 mwa. Apre kriz finansye ane 2008 la, anpil envestisman gouvènman Peken an te fè te ede bay ekonomi an chinwaz la yon bourad e ede tou ekonomi mondyal la repran jarèt. Men, yè mèkredi a, minis finans chinwa a anonse tip envestisman sa yo fini, e kounye a se tou pa Lèzetazini pou l sèvi kòm motè ekonomi mondyal la.

Antretan, Sekretè Deta ameriken John Kerry ki te pran lapawòl pandan jounen jedi 10 jiyè nan yon reunyon, deklare libète fondamantal ak libète laprès se 2 kesyon kle nan relasyon ant Washington ak Peken.

Selon misye Kerry patenarya ant Etazini ak Peken an, se yon patenarya ki genyen potansyalite pou’l vinn pi solid lè yo va konprann “libète fondamantal ak libète laprès pa reprezante yon baryè pou plis echanj ant pèp nou yo--yo se motè pi bon konpreyansyon echanj sa yo. Istwa relasyon ant Etazini ak Lachin--vrèmanvre, kapab yon istwa bon jan kooperasyon ak istwa yon reyalizasyon “wololoy e fran”.

Yè otorite chinwa yo, mete an rezidans siveye TSERING WOESER (madam Tsering ekri sou kesyon dwa Tibeten yo) apre li te resevwa yon envitasyon pou l al patisipe nan yon sware gala nan Anbasad ameriken an pandan vizit sekretè Deta Kerry nan kapital chinwaz la, Peken.

Yon pòtpawòl Depatman Deta di misye Kerry te abòde kesyon Dwazimen ak fason Lachin ap trete minorite etnik li yo nan yon konvèsasyon li te genyen ak otorite chinwa yo.

XS
SM
MD
LG