Accessibility links

Ayiti – Eleksyon: Reyaksyon Anbasadè Lezetazini an, Pamela White.

  • Ekip Sèvis Kreyòl VOA

Ambasadè Lèzetazini ann Ayiti, Pamela White. (Foto: Depatman Deta).
Nan peyi Dayiti, Anbasadè Ameriken an, Pamela White, estime gen yon pa ki franchi nan kad preparasyon oganizasyon pwochèn eleksyon yo ki fikse pou 26 oktob 2014 la. Diplomat la swete sena repiblik la vote pwojè amandman lwa elektoral la.

Yon lòt kote, nan kad kowoperasyon ant Etazini ak Ayiti, anbasadè White prezante 6 jèn pwofesyonèl ayisyen ki benefisye pwogram bous detid Fulbright la pou ane 2014 la a. Vrèman vre, sòti 2014 pou rive 2016, jèn sa yo pral fè yon metriz nan sante piblik, administrasyon piblik ak jeni elektwo-mekanik. Diplomat ameriken an, ki rankontre ak benefisyè yo anvan yo kite Ayiti, fè yo konpliman e li swete yo bòn chans pandan li ensiste sou nesesite pou yo retounen mete konesans yo o sèvis peyi d’Ayiti.

Anfen, yon militant politik nan Mirbalè ankouraje Prezidan Michel Martelly pou l kontinye ap pwosesis elektoral la pou eleksyon kapab dewoule disi fen ane a. Epi, manifestasyon dewoule pandan wikenn nan, nan Depatman GrandAns la, kote pèp la te pran lari pou egzije gouvènman an satisfè egzijans yo, sètadi ba yo mwayen pou yo genyen yon la vi miyò.

Klike sou “Koute” pou suiv devlopman nouvèl sa yo ak Marie Luce Pierre, Lyonel Desmarattes, Jean Christophe Collegue e Luckner Laguerre.
XS
SM
MD
LG