Accessibility links

Malezi/Mistè nan Lespas: Yon Avyon Disparèt San Kite Tras


Yon avyon Konpayi Malaysia Airlines nan ayewopò entènasyonal Kwala Loumpour la nan Malezi, kote aparèy ki disparèt la te dekole. (Foto: 9 mas 2014).
Nan Malezi, otorite yo deklare jiskaprezan yo poko jwenn okenn sign ki ta fè yo konnen sa k rive yon avyon pasaje yo pa wè depi 3 jou aprè li te disparèt avèk 239 moun abò l.

Chèf aviyasyon sivil Malezi a, Azharudin Abdul Rahman –ki tap pale sou dosye a lendi, fè konnen chèchè yo poko jwenn menm yon moso metal ki ta kapab ede yo idantifye aparèy la, yon boeing 777 ki te disparèt sou rada yo depi samdi pase a, byen bonè nan maten, innèdtan apre li te dekole nan ayewopò vil Kwalalumpour la, pou yon vwayaj ki te dwe mennen li nan vil Peken, kapital Lachin.

Otorite malezyen yo di yo pa fè okenn pwogrè ditou nan ankèt yap mennen pou yo konnen kisa k rive avyon an, e yo pa ekate okenn posiblite – ni yon detounnman, ni yon dezas ki ta rive pandan boeing nan te anlè a. Avyon ak bato ki sòti nan 8 peyi ap patisipe nan rechèch yo.
XS
SM
MD
LG