Accessibility links

Venezuela Politik - Prezidan Maduro Mande yon Konferans Lapè Nasyonal

  • Ekip Sèvis Kreyòl VOA

Manifestasyon opozisyon an pou pwoteste kont gouvènman Prezidan Nicolàs Maduro a, nan Caracas (Foto: 22 fevriye 2014).
O Venezuela, patizan ak opozan Prezidan Nicolàs Maduro òganize kèk manifestasyon nan kapitla la, Caracas pandan weekend nan, nan moman lidè venezuelyen an konvoke tout pati politik yo nan sa li prezante kòm yon konferans lapè nasyonal ki ta dwe dewoule mèkredi 26 fevriye 2014 la.

Nan komansman mwa fevriye a, opozan Misye Maduro yo te kòmanse òganize manifestasyon kont gouvènman li a. Lidè mouvman pwotestasyon sa yo di yo bouke avèk krim kap vale teren san kontwòl epi, antwòt, mank machandiz sou etajè boutik ak magazen yo nan yon peyi ki rich avèk petwòl.

Youn nan lidè opozisyon an, Henrique Capriles -yon ansyen kandida a la prezidans- te pran lapawòl nan youn nan manifestasyon yo pou l di gouvènman an pa dispoze poze vrè pwoblèm Venezuela ap konfwonte jounen jodi a :

« Manifestasyon nou an, se yon manifestasyon pasifik ; e nou pa pral kite gouvènman an sèvi ak sitiyasyon sa a pou l degize vrè pwobèm ki poze nan peyi a. »

Pandansetan, plizyè milye patizan Prezidan Maduro te mete yon kont-manifestasyon sou pye pou yo di lidè yo a te eli demokratikman ; pèsonn pa ka mande li kite pouvwa anvan lè. Bò kote pa li, Misye Maduro rejte sa li konsidere kom efò peyi etranje ap fè pou yo mele nan zafè prive Venezuela . Li deklare :
« Se nou menm, venezyelyen, ki pou regle zafè prive peyi nou, Venezuela. »

Manifestasyon ki debouche sou zak vyolans te touye 10 moun e blese plis pase 100 lòt nan jou ki pase yo.
XS
SM
MD
LG