Accessibility links

5 Atis Ranpòte Pri Kennedy Center 2013 la nan Washington

  • Marie-Luce Pierre

3 nan atis ki resevwa Pri Kennedy Center la, edisyon 2013 la. De goch a dwa: Shirley MacLaine, Billy Joel avèk Herbie Hancock, nan Salon Es Mezon Blanch la nan Washington (Dimanch 8 desanm 2013).
Yon aktris, yon chantez opera, 2 mizisyen ak yon chantè mizik popilè resevwa 36èm pri anyèl Kennedy Center a, edisyon 2013 la, pou tout reyalizasyon yo fè nan lavi yo. Shirley Maclaine, Martina Arroyo, Carlos Santana, Herbie Hancock ak Billy Joel twouve yo pami pèsonalite ki jwenn distenksyn sa a. dimanch 8 desanm nan nan Washington, an prezans Prezidan Barack Obama ak Premye Dam amerikèn nan, Michelle Obama. Divès diyitè nan mond politik la ak anpil vedèt Hollywood te reponn prezan tou nan okazyon an.

-Shirley MacLaine gen yon karyè ki kouvri 6 dizèn dane; pandan tan sa a li te ranpòte yon Oscar, yon Pri Emmy ak 4 Pri Golden Globes.

- Martina Arroyo te dekouvri Opera pandan li te potkomenm gen 20 tan nan moman li tap grandi nan Harlem, nan New York. Li te remèt bèl pèfomans nan disiplin opera a nan le mond antye.

-Carlos Santana, yon imigran meksiken, ap jwe guita depi ane 60 yo. Li gen gwo repitasyon pou pèfomans li bay nan festival Woodstock la, nan ane 1969. Nan ane 2000, li te pibliye yon albòm ki gen pou tit « Supernatural » e ki ranpòte 9 Pri Grammy –pami yo gen « Pri Albòm de Lane » ak « Pri Chanson de Lane ».

-Mizisyen jazz Herbie Hancock te ranpòte yon Oscar ak 14 Grammy. Li te patisipe nan yon konsè pyano ki te fèt sèlman ak mizik Mozart lè li te genyen 11 zan sèlman. Li te gen pou akonpaye li Okès Senfonik Chicago a.

-Billy Joel se vedèt mizik pyano kap bay piblik la serenad depi ane 70 yo. Li deja ranpòte 6 Pri Grammy e li se youn nan atis ki vann plis albòm nan tout istwa lamizik -swa plis pase 150 milyon albòm nan lemond antye.

Pwogram remiz Pri Kennedy Center la pral pase sou chèn televizyon CBS nan dat 29 desanm pwochen.
XS
SM
MD
LG