Accessibility links

Nan Tayland, Pwotestasyon Anti-Gouvènmantal yo ap Kontinye

  • Ekip Sèvis Kreyòl VOA

Manifestan anti-govènmantal pandan yon konfwontasyon ak lapolis metwopolitèn nan Bangkòk (Foto: 2 desanm 2013).
Nan kapital peyi Tayland la, Bangkòk, manifestan kap apiye opozisyon an pran daso katye jeneral lame a ak biwo santral gouvènman an, aprè lapolis te wete kò l, kite pèp souvren fè sa l vle, paske otorite yo vle evite konfwontasyon.

Manifestan yo pat rankontre okenn rezistans devan lokal gouvènman santral la kote nou jwenn biwo premye minis la, ak katye jeneral polis nasyonal la. Patizan opozisyon an, ki te gen drapo nan men yo e ki tap soufle slogan anti-gouvènmantal, deklare yon viktwa senbolik aprè yo fin antre anndan biwo yo ; men yo fè sèman yo pral kontinye fè presyon pou yo jwenn satisfaksyon pou deleyans yo.

Lendi 2 desanm 2013 la, Premye Minis Yingluck Shinawatra te rejte egzijans opozisyon an ki mande pou l bay demisyon n epi remèt pouvwa a bay yon KNGP (yon Konsèy Nasyonal Gouvènman Popilè), swa yon gouvènman ki pa eli. Yon lòt egzijans Madam Shinawatra pa vle satisfè, se demand opozisyon an fè pou l kraze palman an.
XS
SM
MD
LG